Մերձավոր Արևելքի հիմնադրամ և ԱՄՆ դեսպանություն
2016-04-24 | Naregatsi Art Institute
«Հետքերով որբերի հայոց»
2013 թվականին «Նարեկացի» արվեստի միությունը՝ համագործակցելով Ամերիկայի Միացյալ Նահանգների դեսպանության և ԱՄՆ Մերձավոր Արևելքի հիմնադրամի հետ, իրականացրին «Հետքերով որբերի հայոց» վերնագրով մի յուրօրինակ նախագիծ, որի շրջանակներում իրականացվեցին մի շարք միջոցառումներ՝ որոնք ընդգրկում են Ռոքֆելերի արխիվային կենտրոնից վերցված Մերձավոր Արևելքի ամերիկյան նպաստամատույց կոմիտեի 1915-1929 թթ-ին ստեղծված բացառիկ լուսանկարների հավաքածուի ցուցադրություն, վավերագրական ֆիլմի ցուցադրություն և համերգ:
Ցուցադրությունը տեղի է ունեցել մայիսի 25-ին Ազգային պատկերասրահի ցուցասրահում, մայիսի 26-ին` «Նարեկացի» արվեստի միության Երևանի մասնաճյուղում և մայիսի 27-ին` Գյումրու «Թռչունյան տուն» մանկատանը:
Ցուցահանդեսին ընդառաջ, Նարեկացի արվեստի միությունը հրատարակել է ներկայացվելիք արխիվային լուսանկարների ծավալուն ալբոմ, որն անվճար նվիրաբերվել է ցուցահանդեսի բացմանը ներկա հյուրերին:
Գրքում շուրջ 200 արխիվային լուսանկար է ներկայացված. այդ լուսանկարները պատմում են Մերձավոր Արևելքի նպաստամատույց կոմիտեի գործունեության արդյունքում 1915 թ. Օսմանյան կայսրությունում տեղի ունեցած վայրագություններից հետո որբացած հազարավոր հայ երեխաների փրկության մասին:
Տեսանյութերը` ստորև
Ամբողջական տեղեկատվությունը` ստորև
Ֆեյսբուքյան հղումներ
Գիրքը կարող եք բեռնել ստորև
«Հետքերով որբերի հայոց» - բեռնել գիրքը
Անդրադարձ մամուլում
Աջակցեք Մշակույթին
Նարեկացի Արվեստի Ինստիտուտը ԱՄՆ-ում գրանցված ոչ առևտրային կազմակերպություն է (501(c)(3))՝ գլխամասային գրասենյակներով Երևանում և Շուշիում։