Անհատական ցուցահանդես ՆԱՄ-ում
2026-09-28 18:30 | Naregatsi Art Institute
«Նարեկացի» արվեստի միությունում տեղի ունեցավ Թերեզա Պապոյանի «Ներքինի արտացոլանք» խորագրով ցուցահանդեսի բացումը։
Թերեզա Պապոյանը ծնունդով Շիրակի մարզի Անուշավան գյուղից է։ Նկարել սկսել է 8 տարեկանից, պարապել է նկարիչ Երվանդ Բիչախչյանի մոտ։
2019 թ․ ավարտել է Հայաստանի գեղարվեստի պետական ակադեմիայի Գյումրու մասնաճյուղի գեղանկարչության բաժինը։
Ցուցահանդեսի բացմանը՝ ողջունելով նկարչուհուն, ՆԱՄ ցուցահանդեսների համադրող, արվեստաբան Տաթևիկ Համբարձումյանը ասաց․ «Թերեզան թեև իր արվեստում հավատարիմ է ռեալիստական արվեստի ավանդույթներին, անուամենայնիվ չի խուսափել նաև այլ ուղղությունների ազդեցություններից»։
Թերեզա Պապոյանի գեղանկարների ցուցադրությունը բաց է մինչև հոկտեմբերի 2-ը։
Աջակցեք Մշակույթին
Նարեկացի Արվեստի Ինստիտուտը ԱՄՆ-ում գրանցված ոչ առևտրային կազմակերպություն է (501(c)(3))՝ գլխամասային գրասենյակներով Երևանում և Շուշիում։