Արտ-թերապիա

2010-01-01 | Naregatsi Art Institute

2010 թվականին Շուշիի ՆԱՄ-ում ստեղծվել է հնարավորություն՝ ստանալու հոգեբանական օգնություն արտ- թերապևտ Հասմիկ Եսայանի կողմից:

Հասմիկ Եսայանը կրթություն է ստացել Սարատովի պետական համալսարանի աշխարհագրության ֆակուլտետում, Երևանի պետական համալսարանում՝ պրակտիկ հոգեբան, ԼՂՀ-ում՝ հոգեբան-խորհուրդատուների եռամսյա դասընթացներ՝ կազմակերպված հոգեկան առողջության ծրագրի սահմաններում, Նյու Յորքի University school of Medicine Երևան, Հայաստան, իմացական-վարքային թերապիայի, “Sensibilisation a la Psychomotricite” երկամսյա դասընթացներ, ցավեր առանց սահմանների (Douleurs Sans Frontieres (DSF):

Աշխատել է «Նորք» հոգեբուժական կլինիկայում, երեխաների և պատանիների հոգեկան առողջության ծրագիր ACPP (հովանավորված CAFOD, UK)՝ որպես հոգեբան և ԼՂՀ ԿԳՆ գնահատման և թեստավորման կենտրոնում՝ կրթական կարիքի գնահատման բաժնի պետ:

Այս տարիների ընթացքում բազմաթիվ հոգեբանական սեանսներ անցած երեխաների ձեռքի աշխատանքները ժամանակ առ ժամանակ ներկայացվում են ցուցահանդեսներում:

Կենտրոնի երեք տաղանդավոր սաներ Երևանի՝ Ջոն Կիրակոսյանի անվան դպրոցում տեղի ունեցած «Տաթև» հիմնադրամի նախաձեռնած «Արի Ճախրե՛նք կամ ստեղծի՛ր Տաթևիկի կերպարը» 6 ամիս տևած մանկապատանեկան մրցույթ-փառատոնում արժանացել են երեք պատվավոր մրցանակների:

Դասարանը նաև ճամփորդել է Թիֆլիս, որտեղ մասնակցել է «Թղթե հագուստ» խորագրով միջոցառմանը: